Сиёсат
Вазорати энергетика ва захираҳои оби Ҷумҳурии Тоҷикистон мақоми ваколатдори соҳа ба шумор меравад, ки фаъолияти худро вобаста ба таҳия ва татбиқи сиёсати давлатӣ дар соҳаҳои сузишворӣ- энергетикӣ ва захираҳои оби кишвар ба роҳ мондааст.
Дар ин раванд Вазорат баҳри расидан ба ҳадафҳои миллӣ вобаста ба рушд, идоракунӣ, истифода ва ҳифзи захираҳои обиву энергетикӣ; таҳияву татбиқи механизмҳо барои пешбурди сиёсати миллӣ дар соҳаҳои сӯзишворӣ-энергетикӣ ва захираҳои об; арзёбии арзишҳои иҷтимоӣ, иқтисодӣ ва экологии захираҳои обу энергетикӣ; андешидани чораҳо оид ба мутобиқшавӣ ва кам кардани таъсири тағйирёбии иқлим, ки ба омилҳои обиву энергетикӣ алоқамандӣ доранд; иштирок дар таҳия ва амалисозии созишномаҳои дуҷониба ва бисёрҷониба оид ба масъалаҳои обу энергетикӣ, аз ҷумла дар сатҳи фаромарзӣ; муайян намудани заминаи институтсионалӣ барои идоракунии умумии захираҳои энергетикӣ ва об, дар якҷоягӣ бо зербахшҳо; муайян намудани ҳадафҳо барои тадқиқот ва омӯзиш вобаста ба рушди иқтидор, аз тамоми имкониятҳо самарнок истифода менамояд.
Вазорат, ҳамчунин рушди устувори маҷмӯи сузишворӣ- энергетикӣ ва захираҳои об, пешбурди сиёсати давлатӣ вобаста ба истифодаи самараноки захираҳои обиву энергетикӣ ва ҳамчунин дурнамои ҷалби сармоягузорӣ ба соҳаҳои мазкур ва тақвият бахшидани назорати давлатиро ҷиҳати истифодаи самараноки он таъмин менамояд.
ПАЁМҲО